Preparasaun Eleisaun Atinji Ona Pursentu 90

0
34

DILI, (ANTIL) – Ministru Administrasaun Estatál (MAE), Dionísio Babo Soares hateten, preprasaun ba eleisaun prezidensiál atinji ona pursentu 90 no sei hein observadór sira inklui preparasaun proposta hosi STAE atu hato’o ba gabinete primeiru ministru hodi aprova orsamentu, nune’e bele ezekuta ba prosesu eleisaun.

“Preparasaun ba eleisaun prezidensiál hetan ona pursentu 90 no ita sei hein observadór internasionál no nasionál sira, jornalista sira no fiskalizadór ba kandidatura eleisaun prezidensiál atu hato’o rekerimentu mai STAE, nune’e bele fó akreditasaun hodi asesu ba eleisaun”, MAE informa ba jornalista sira, Kuarta, (15/2) iha Kaikoli hafoin inkontru ho Primeiru Ministru, Rui Maria de Araújo  no Diretór Jerál Sekteraria Tékniku Administrasaun Eleitorál (STAE), Acilino Manuel Branco ho funsionariu sira.

Durante preprasaun, orgaun tékniku administrasaun eleitorál esforsu maka’as liuhosi resensiamentu eleitorál no atualizasaun baze dadus sira iha rai laran no estranjeiru hanesan Austrália ho Portugál. Totál eleitór ba eleisaun tinan ne’e hamutuk 748.972.

Jornalista: Zezito Silva

Editora: Rita Almeida

HUSIK IDA HATÁN