Portugal Kontinua Apoia TL Iha Setór Produtivu

0
55

Dili, (ANTIL) – Governu Portugal kontinua apoiu Timor-Leste (TL) iha setor produtivu nian, komitmentu Portugal nian ne’e hatudu hosi vizita Sekretaria Estadu Estranjeiru Kooperasaun Portugal, Teresa Ribeiro mai Timor-Leste.

“Durante ne’e, Portugal apoia TL iha asisténsia tékniku maibé agora sira komesa haree setór seluk hanesan investimentu nian liu hosi setór agrikultura, peskas no setór ekonómiku balun ne’ebé sira observa,” informa Prezidente PN, Aderito Hugo da Costa ba jornalista sira iha PN, Kuarta, (01/02/2017).

Tuir Prezidente PN, Estadu TL fo apresiasaun ba governu Portugal ho nia povu tomak tanba durante ne’e sira (Portugal) apoiu makas mai ita, la’os iha teritóriu nasionál maibé iha forum internasionál hanesan Comunidade dos Países da Língua Portuguesa (CPLP) no organizasaun internasionál sira seluk ne’ebé TL hola parte.

Nia haktuir, Sekretaria Estadu, Teresa Ribeiro fo avaliasaun ba katak TL la’os hanesan uluk ha’u mai iha 2007, maibé agora oin seluk no mudansa barak tebes.

“Observasaun sira hanesan ne’e, ho ema liur mak bele haree direita tanba ema timoroan de’it labele fiar malu, di’ak liu ema liur mak bele halo apresiasaun progresu dezenvolvimentu iha TL,” dehan Prezidenti Parlamentu Nasional ne’e.

Jornalista: Zezito Silva/ Editor: Gantry Meilana

HUSIK IDA HATÁN