PNTL Prepara Membru nain 3800 ba Seguransa Eleisaun

0
37

DILI (ANTIL)—Komandu Polísia Nasionál Timor-Leste prepara ona nia membru hamutuk nain 3800 hodi asegura seguransa iha elisaun Prezidensial no Lejislativu ba tinan ida ne’e.

Segundu komandante jerál, komisariu Faustino da Costa hatete, Membru PNTL nain 3800 preparadu atu koloka ba sentru votasaun hamutuk 690 resin iha teritoriu Timor laran tomak.

“Membru PNTL nain 3800 preparadu atu koloka ba sentru votasaun hamutuk 690 resin kolokasaun membru iha Sentru Votasaun bazeia ba numeru votatentes no potensia amiasa ba konflitu,” Faustino da Costa esplika iha Kuartel Jerál PNTL, Kaikoli, Dili, Horseik (31/01/2017)

Membru PNTL nain 3800 preparadu atu fo seguransa ba sentru votasaun 690 iha teritoriu Timor-Leste laran tomak durante Eleisaun Prezidensial no Parlamentar, no PNTL mos iha Forsa Rezerva no Unidade Espesial hodi servisu movel nune’e bainhira mosu problema ruma forsa rezerva iha atu responde.

Alende ne’e sei koloktan Unidade Especial hodi fo seguransa ba Eleisaun iha munisipiu Baucau, iha parte rai klaran Aileu, Ainaro no Same sei koloka minimu peltaun ida no Maliana hodi reforsa parte Suai.

Entertantu Komandu Polisia Nasional Timor-Leste (PNTL) horseik halo security briefing ba ho adidu seguransa no defeza hosi konsuladu no embaxada iha Timor-Leste hodi informa situasaun seguransa no preparasaun Eleisaun Jeral hosi komandu Operasaun aprezenta servisu ne’ebe komandu PNTL halo hodi asegura eleisaun mai.

Security Briefing ba dala rua ne’e hetan partisipasaun hosi adidiu seguransa hosi Embaixada Indonézia, Filipina, Portugal, Japaun, Korea, Cina, Brazil, Malaysia, Brunai Darusalasam Uniaun Europeia, AFP, IOM, UNDSS.

Jornalista: Manuel Pinto / Editor: Gantry Meilana

HUSIK IDA HATÁN