PN Realiza Konfrensia Internasionál Kombate Korrupsaun

0
19

DILI (ANTIL)—Parlamentu Nasionál (PN) aban to’o bainrua (Kinta-Sesta) sei realiza konfrensia Internasionál ho tema Kompremisiu Parlamentu No Kombate Korrupsaun iha Salaun Nobre Ministério dos Negócios Estrangeiros.

Tuir orario ne’ebé mak ANTIL asesu iha relasaun públika uma fukun foin lalais ne’e haktuir katak Agenda Conferencia Internacional, iha Kinta (02/02/2017) sei lidera hosi moderador Amândio de Sá Benivides, panel mak José da Costa Ximenes, Procurador Jerál da Repúblika, Aderito Tilman, Prezidenti Komisaun Anti Korrupsaun, no Jorge Claudio Bacelar Gouveia, hosi universidade Lisboa hodi koalia kona ba The Obligation of Criminalization Arising for the Unated Nations Convention AgaintsCorruption and the Constitution Of the Democratic Republic Of Timor-Leste.

Hafoin ne’e iha seksaun lokraik sei koalia mós kona-ba Pubklic Policies to prevent And figth Corruption topiku ne’e sei modera hosi José Texeira, panel sira mak hanesan Artidjoalkostar hosi Indonézia, Janine Mcgruddy hosi Nova Zelandia Jorge Claudio Bacelar Gouveia., hosi universidade Lisboa no Ministru Justisa Timor-Leste Dionisio Babo Soares

Loron tuir mai, Sesta (03/02/2017) seksaun dader sei modera hosi Vicenti Fernandes Brito (Diretór Polísia Sientifika e Investigasaun Kriminál) painel Sergio Fernandes Hornai (Defensor Públiku), Maria Natersia Gusmão no Jorge Claudio Bacelar Gouveia.

Iha seksaun ne’e sei koalia kona-ba Difinition of The Panel responsibility Of Political Office-Holders And The Constitution Of the Democratic Republic Of Timor-Leste.

Hafoin ne’e iha seksaun lokraik nian Aderito Tilman, Prezidenti Komisaun Anti Korrupsaun sei modera panelista sira hanesan Ana Pessoa, Maria Ângela Guterres Viegas Carrascalão, Júlio César Martins Tavares no Jorge Claudio Bacelar Gouveia.

Tema diskusaun nian mak The Criminalization Of Illicit Enrichment And The Constitution Of the Democratic Republic Of Timor-Leste

Iha parte seluk eis membru Asembleia konstituinte Leandro Isaac hatete vontade kombate korrupsaun iha Timor-Leste bel;e efektivu liu bainhira fó poder ba Komisaun Anti Korrupsaun (KAK) hodi hala’o nia funsaun.

“Ohin loron, KAK halo servisu ho ordem hosi Ministériu Públiku,” Leandro Isaac observa.

Komisaun Anti Korrupsaun (KAK) aprova iha loron 29 fulan Juñu tinan 2009 husi Parlamentu Nasionál, lei ne’ebé kria Komisaun Anti-Korupsaun, hakarak konsede atu Estadu iha polísia kriminal espesializada, independente, iha ninia atusaun sei hala’o de’it tuir kritériu ne’ebé legál no objetivu, iha artikulasaun ho autoridade kompetente, indispensável tebe-tebes ba nia kredibilidade nu’udar mekanismu hodi kombate korupsaun.

KAK adopta tiha ona modelu ida independente, hodi respeita ba prinsípiu boa governasaun, informa ba Parlamentu no independente lolós hosi Ezekutivu. Iha kbit atu hahú no konduz investigasaun kriminál ba kazu korupsaun, tuir estabelese tiha ona iha kódigu kriminál. Maibé iha mós knar atu fó edukasaun no sensibilizasaun públiku, hodi identifika no promove medida hirak ne’ebé atu previne korupsaun.

Jornalista: Manuel Pinto / Editor: Gantry Meilana

HUSIK IDA HATÁN