PM Informa Progresu Setór infraestrutura Durante Tinan Rua

0
60

DILI, (ANTIL)- Governu regulariza ona tarifa elétrika no fahe kontadór eletrisidade pré-pagu hamutuk unidade 34.357 iha munisípiu hotu hodi benefisia família na’in-312.982 ne’ebé nia reseita ho osan millaun $ 50 liu.

Tuir komunikadu ne’ebé ANTIL asesu, iha mandatu VI Governu durante tinan rua, iha setór infraestrutura, Governu mós ke’e estrada nasionál rurál 100 Kms no halo manutensaun 350 Kms, harii ponte 8 no totál luan 4.800m ba kontrolu ba cheias.

“Ita remata planu mestre transporte ne’ebé sai nu’udar baze ba investimentu no hala’o melloria hirak planeia ona ba setór ida ne’e. Hein atu hatama ba Konsellu Ministru”, dehan komunikadu ne’e.

Governu aprova ona iha Konsellu Ministru planu mestre no Investimentu Estratéjiku ba estrada rurál sira no oras ne’e  implementa hela Programa Dezenvolvimentu Estrada Rurál sira.

Governu fó kontinuidade ba projetu infraestrutura bázika 696 iha área enerjia elétrika, estrada no ponte, bee no saneamentu, edifísiu públiku, finansa, edukasaun, seguransa no defeza no agrikultura ho finansiamentu ida hamutuk $ 504.780. 236,92 hola husi Fundu Infraestrutura nian. Projetu hirak ne’e, engloba munisípiu 12 no Rejiaun Espesiál Oekusi Ambeno.

Governu elabora no dezenvolve ona diretriz hirak ba avaliasaun projetu infraestrutura nian sira iha Timor-Leste liuhusi uza kritériu múltiplu no avalia ona projetu foun portofoliu kona-ba infraestrutura 2017 nian hamutuk 123.

Governu mós elabora ona diretriz ba prepara estudu viabilidade nian ba projetu infraestrutura iha Timor-Leste. (Jornalista : Maria Auxiliadora/Editor : Alberto Alves)

HUSIK IDA HATÁN