Ministro Justisa Husu ba Prizioneirus Integra iha Formasaun

0
31
Ministru Justisa (MJ) Ivo Valente no Sekretariadu Estadu Polítika Formasaun Profesional no Empregu (SEPFOPE) foto hamutuk prizuneiru okupante sira iha prizaun becora, Segunda (20/02). Foto ANTIL: Egas Cristovao

DÍLI (ANTIL) – Ministru Justisa (MJ) Ivo Valente husu ba prizuneirus prizaun Becora atu hatudu komportamentu diak hodi prienxe kritéria, nune’e bele hetan rejime abertu atu ba servisu.

“Tuir mekanismu legal, artigu 23 konaba ezekusaun penal dehan katak wainhira iha prizaun laran prenxe ona kritéria ruma, ita bot sira bele tama ona faze ida naran rejime abertu atu ba servisu”, MJ Ivo Valente koalia ba prizioneiru sira durante serimonia entrega ekipamentus auto-empregu iha prizaun Becora, Segunda (20/02).

Ministru Justisa (MJ) Ivo Valente iha nia intervensaun iha okaziaun entrega ekipamentus auto empregu ba okupante sira iha prizaun becora, Segunda (20/02). Foto ANTIL: Egas Cristovao
Ministru Justisa (MJ) Ivo Valente iha nia intervensaun iha okaziaun entrega ekipamentus auto empregu ba okupante sira iha prizaun becora, Segunda (20/02). Foto ANTIL: Egas Cristovao

Governante ne’e dehan tan, rejime abertu presiza halo planifikasaun ida atu fó formasaun ba prizioneiru sira.

Ivo Valente informa tan, governu tenke estabelese planu ida, hafoin okupante sira ne’ebé preexe kritéria ona, bele halo selesaun hodi integra iha sentru formasaun sira.

Nune’e MJ enkoraja, mesmu okupante sira iha prizaun, maibe bele kontribui atu hetan redimentu ruma. “Kontribuisaun ne’e laos deit diak ba ita bot sira maibé diak mos ba estadu, diak ba estadu tamba ita bot sira aprende no halo buat ruma”.

Ivo Valente agradese no husu nafatin tulun ba Sekretariadu Estadu Polítika Formasaun Profesional no Empregu (SEPFOPE) atu fó kapasitasaun teknika,  wainhira la hatene karik, bele aproveita formasaun hodi hatene.

Nia lamenta ituan tamba númeru okupante sira aumenta, signifika la hatene saida mak krime, saida mak hahalok at, “hau fiar liu husi faze ne’e ita bot sira aprende dadauk katak saida mak hahalok ladiak atu haketak ita husi komunidade”.

Nia hatutan, kontente wainhira simu relatório husi diretór, katak desde independensia tinan 2002 to’o agora residensia (tama sai prizaun) hamutuk ema nain 17 deit, signifika sira ne’ebé sai la fila mai. (Jornalista: Julia Chatarina/ Editor : Alberto Alves)

HUSIK IDA HATÁN