Lere : Ukun-án La’ós Atu Kria Rungu-Ranga

0
99

DILI, (ANTIL) – Majór Jenerál FALINTIL-Forsa Defeza Timor-Leste (F-FDTL), Lere Anan Timur hatete, Timor ukun-án ne’e la’ós atu kria rungu-ranga maibé atu hakmatek i moris ba dezenvolvimentu.

“Timor ukun-án ne’e la’ós atu kria rungu-ranga iha Timor, Timor ukun ne’e atu hakmatek i moris ba dezenvolvimentu. Entaun, eleisaun atu mai ne’e, balun dehan pesimizmu, maibé ha’u optimismu nafatin tanba Timor iha ona konsiénsia. Ita-nia povu, ita-nia joventude iha ona konsiénsia”, Lere Anan Timur ba jornalista sira iha Ministériu Defeza (MD), Fatuhada Dili, Kuarta (22/2).

La kle’ur tan, iha 20 Marsu 2017, Timor-Leste sei selebra festa demokrasia, eleisaun prezidensiál no tuir mai eleisaun lejislativa tanba ne’e sidadaun hotu ne’ebé prense ona rekizitu tuir konstituisaun haruka sei ezerse nia direitu síviku ida hodi ba vota.

“Vale a pena ita ukun-án, vale a pena ita sai nasaun ida, vale a pena ita sai povu ida. Ne’e onra boot ida ba ita,” reforsa tan major ne’e.

Tanba ne’e, eleisaun tinan ne’e seguransa interna iha Polísia Nasionál Timor-Leste (PNTL) nia liman no F-FDTL sei fó apoiu tui diretiva ne’ebé governu hato’o. (jornalista: Rafael Belo; editora: Rita Almeida)

HUSIK IDA HATÁN