Komunidade Baucau Entuziasmu ho LFA

0
53

BAUCAU (ANTIL)—Komunidade Baucau hatudu sira nia entusiazmu ba iha abertura jogu Liga Futeból Amadora (LFA) époka daruak ne´ebé hala´o iha Estádiu Baucau, Sábadu (18/2).

Udan monu rai iha tuku 14:00 maibé komunidade prezensa tiha ona iha Estádiu atu partisipa jogu LFA maske jogu ne´e hahú iha tuku 16:00. La´ós foinsa´e de´it maka mai asisti jogu maibé ferik no katuas mós, no la importa presu billete maibé importante maka bele asisti jogu.

Komunidade Baucau antusiaz abertura LFA époka daruak
Komunidade Baucau antusiaz abertura LFA époka daruak

Entre adeptu hirak ne´e, barak apoia Zebra FC tanba klubu ne´e Baucau nian, maibé mós barak apoia SLB Laulara tanba jogadór balun hosi SLB nu´udar Baucau oan. Sira hakilar hodi fó suporta ba sira nia klubu ho disiplina, sein ho violénsia.

Adeptu rihun ba rihun asisti jogu. Tribun estádiu labele akumula hotu adeptu sira. Tanba ne´e, adeptu bara maka hamriik hale´u kampu hodi asisti jogu iha udan laran. Aleinde ne´e, barak mós hamriik iha estádiu nia liur no sa´e ai sira hale´u estádiu maka hodi asisti jogu.

Jogu ramata, lori rezultadu negativu ba klubu Zebra ne´ebé hanesan idéntiku ho Munisípiu Baucau tanba lakon ho SLB ho golu 1-3, maibé la konvida Baucau oan sira nia emosaun atu halo violénsia hanesan tempu uluk. Sira maioria hahú konsiente katak lakon iha jogu ne´e normál no hosi lakon maka bele hadi´a án sai klubu mellor. (Jornalista: Xisto Freitas/Editor : ALberto Alves)

HUSIK IDA HATÁN