Komandante F-FDTL Kontenti ho Realizasaun Jogu LFA

0
72

DILI (ANTIL)—Komandante Kompañia Terrestre FALINTIL-Forsa Defeza Timor-Leste (FFDTL) destakadu iha Munisípiu Baucau, Tenente Koronel Marcelino Ximenes “Rijai” konsidera jogu Liga Futeból Amadora (LFA) ne´ebé realiza iha Baucau pozitivu tebes tanba anima komunidade sira.

“Ami kontenti tebes tanba LFA bele anima komunidade sira para oinsá sira foka ba iha desportu no transforma joven Baucau hosi mentalidade át ba di´ak,” Rijai dehan ba ANTIL iha Estádiu Baucau, Sábadu (18/2), bainhira asisti abertura primeira divizaun LFA époka 2017 entre SLB Laulara no Zebra FC iha Estádiu Baucau.

Nia husu ba komunidade Baucau tomak atu kontribui ba páz no estabilidade durante hala´o jogu LFA tmaba tuir nia (Rijai) katak jogu ne´e la´ós anima de´it komunidade maibé lori mós rendimentu mai iha Baucau tanba ema barak hosi munisípiu oi-oin kada semana ba asisti jogu iha munisípiu neb’e refere.

Marcelino Ximenes mos informa katak polísia ho F-FDTL prontu fó seguransa durante jogu LFA iha Munisípiu Baucau tanba eventu ida ne´e importante ba timoroan tomak liu-liu komunidade munisípiu Baucau. (Jornalista: Xisto Freitas/Editor : Alberto Alves)

HUSIK IDA HATÁN