Governu Asina Akordu Kooperasaun Ho CCI-TL

0
91

DÍLI (ANTIL) – Governu lidera husi Ministru Estadu Koordenador Asuntus Ekonómikus (MEKAE) Estanislau Da Silva, Vice Ministru Finansas (MF) Helder Lopes no Ministru Komérsiu, Industria no Ambiente (MKIA) Constâcio Pinto asina Akordu Protokolu Kooperasaun ho Kamara Komersiu Industria Timor-Leste (CCI-TL sigla iha Portugues).

Objektivu husi Akordu Protokolu Kooperasaun ne’e atu harii komunikasaun institusional entre Governu ho setór privadu hodi identifika forma no medida ba Reforma Ekonómika no Reforma Fiskal kona-ba partisipasaun setór privadu nasional iha dezenvolvimentu nasaun nian.

“Akordu ida ne hanesan komproisu Governu nian, hamutuk ho CCI-TL atu promove setór privadu nasional ne’ebé iha ona kapasidade atu fó kontribuisaun, maibé aspeitu balun presiza mós apóiu Governu nian.” MECAE Estanislau Da Silva ba Jornalista sira iha Sala Reuniaun Gabinete Fronteiras Marítima, Palásiu Governu, Segunda (30/01).

Nia hatutan, ho akordu ida ne’e Governu sei tur ho CCI-TL atu hare área ne’ebé deit mak CCI-TL presiza apóiu ho Governu tuir kbiit ne’ebé iha, hare mós iha área investimentu.

Ministro estanislau hatutan, iha lei investimentu hatete katak iha área balun ne’ebé Governu sei regula, tuir lista negativa kona ba negósiu investimentu ne’ebé deit, Governu fó preverensia, ba investimentu nasional ne’ebé fó garantia bot ba setór privadu nasional atu halo investimentu, bele dezenvolve mós ita nia setór privadu nasional.

Ministru Estanislau mós hateten, Governu liu-husi MKIA sei tur hamutuk ho SERVE atu hare oinsa mak bele kontrola atividade investimentu no negósiu  hanesan asuntu ida ne’ebé iha implikasaun barak envolve mós instituisaun balun, presiza halo abordazen para hetan solusaun diak. (Jornalista: Julia Chatarina/Editor : Alberto Alves)

HUSIK IDA HATÁN