FC Café iha Ambisaun Hakat Ba Primeira Divizaun

0
40

DILI, (ANTIL) – Vise Prezidenti FC Café Ermera, Adriano Quintão hateten sira iha ambisaun atu hakat ba prmeira divizaun Liga Futeból Amadora (LFA) iha époka terseiru mai ne’e.

“Tanba ami mai hosi munisípiu, ami hakarak hatudu katak Ermera iha ambisaun atu ba joga iha primeira divizaun. Ami sempre iha esperansa maka’as ba ida ne’e,” Adriano dehan ba ANTIL iha Kampu Demokrasia, Dili, Segunda (13/2), bainhira husu ninia hanoin kona-ba preparasaun FC Café ba segunda divizaun LFA époka daruak.

Nia informa, sira preparadu atu joga iha LFA no hatutan katak sira nia jogadór mesak foinsa’e ne’ebé ho talentu di’ak. “Ami iha mudansa barak kona-ba jogadór. Agora agora iha talenta foun de’it ne’ebé ho idade ki’ik (18-22),” Adriano haktuir.

Provizoriamente, nia dehan, sira treinu iha Kampu Demokrasia tanba sira nia kampu treinu iha Ermera laiha. Ida ne’e maka halo sira tenki halai ba halai mai buka kampu hodi treinu. Tanba kampu laiha, entaun laiha torneiu nune’e labele hahoris jogadór sira. (jornalista: Xisto Freitas; editora: Rita Almeida)

HUSIK IDA HATÁN