CNE Sei Organiza Paktu Unidade Ba Partidu Polítiku No Kandidatu PR

0
49

Dili, (ANTIL) – Comissão Nacional das Eleições (CNE) sei organiza eventu paktu unidade nasionál ba partidu polítiku sira no kandidatu Prezidente Repúblika hodi garante prosesu eleisaun la’o di’ak iha periódu eleisaun jerál 2017 to’o 2022.

“CNE iha ona hanoin atu halo paktu unidade iha tempu badak, asuntu ne’e iha ona ajenda maibé ami seidauk diskuti hodi determina  loron atu realiza” informa Komisáriu CNE, Bernardo M. N. Cardoso ba jornalista sira iha nia servisu fatin, Caicoli, Sesta (30/01)

Objetivu hosi paktu eleisaun pasífiku ne’e hodi hametin liu tan estabilidade nasionál iha eleisaun prezidensiál ne’ebé sei akontese iha 20 Marsu no parlamentár iha fulan uñu.

Paktu unidade wainhira ita halo molok tama ba kampaña eleitorál atu nune’e iha periódu eleitorál sira la’o livre no labele iha problema iha prosesu kampaña nia laran.

Partisipasaun ba paktu unidade laiha obrigasaun maibé tuir konsiénsia polítiku nian atu fo garantia prosesu eleisaun ho únidu, maibé laiha lei atu kesi sira katak wainhira sira malandru tenke hetan kastigu.(Jornalista : Zezito Silva/Editor : Alberto Alves)

HUSIK IDA HATÁN