Boletim Votus Sei Imprimi iha Ínisiu Marsu

0
19
Diretór Jerál STAE, Acilino Manuel Branco

Dili, (ANTIL) – Hahú hosi 1 to’o 13 Marsu iha periódu imprimi boletim votus hosi gráfika nasionál.

“Iha loron 1 fulan Marsu halo imprimi folla dahuluk no kandidatu sira ou reprezentante tenke marka prezensa hodi konkorda hafoin imprimi bele multiplika no 1 to’o 13 Marsu iha periódu imprime boletim votu” informa Diretór Jerál STAE, Acilino Manuel Branco ba ANTIL iha nia servisu fatin, Caicoli, Tersa (22/02)

Diretór Jerál STAE hatutan, kandidatu sira tenke hatama hotu fotografia no emblema, nune’e bele prepara ona modelu bolletin votu. Tuir planu iha Sesta ne’e tenke apresia hosi kandidatu sira hafoin lori ba Comissão Naçional das Eleições (CNE) no hodi ba gráfika nasionál atu hahú imprimi.

Modelu boletim votu define ona liu hosi prosedimentu balun maybe, medida buletim sei hanesan ho eleisaun 2007 tanba uluk mós iha kandidatu nain ualu no 2017 mós iha kandidatu ualu.

Prosesu imprimi boletim votu depende ba númeru eleitór sira no presiza aumenta tan atu antisipa tanba dalaruma prosesu votu mak eleitór balun haree sala entaun bele troka fila fali.

Eleitór sira ne’ebé bazeia ba resenseamentu no atualizasaun baze dadus hamutuk 743.150 ne’ebé sei tuir eleisaun prezidensial iha 20 Marsu. (Jornalista : Zezito Silva/Editor : Alberto Alves)

HUSIK IDA HATÁN