Aleija Durante Jogu Ne´e Normál

0
90

BAUCAU (ANTIL)—Jogadór médiu extermu loos hosi AD SLB Laulara, João Pedro la rai ódiu ba nia belun jogadór hosi Zebra FC ne´ebé aleija nia bainhira nia lori bola atu hatama golu iha minutu ikus jogu atu ramata.

“Ha´u senti normál tanba parte hosi joga nian maka ida ne´e,” João dehan ba jornalista sira iha Estádiu Baucau, Domingu (18/2), hafoin ramata jogu abertura primeira divizaun Liga Futeból Amadora (LFA) entre Zebra FC no AD SLB Laulara.

Konsekuénsia hosi jogadór médiu númeru 17 ne´ebé tebe nia, halo nia tenki sai hosi kampu tanba ain naksalak. Maske sofre ain naksalak maibé nia senti kontenti tanba bele lori ninia klubu sai vensedór ho golu 3-1.

 “Ha´u senti kontenti tanba ha´u bele mai joga fali iha kampu ne´ebé uluk ha´u halimar ba no hanesan mós ha´u fila mai iha ha´u nia uma,” tenik jogadór ne´ebé foin ho idade tinan 17 ne´e. (Jornalista: Xisto Freitas/Editor : Alberto Alves)

HUSIK IDA HATÁN