Ai-parapa iha Territóriu Tomak Hela De’it Ektare 1.500

0
66

HERA, (ANTIL)-Bazeia ba peskiza husi Konservasaun Flora no Fauna (KFF), dezde tempu portugés ai-parapa hetan ona estragu, informa prezidente KFF, Alito Rosa ba ANTIL, Sábadu (18/2/2017) iha Hera.

Alito Rosa hatutan, luan ai-parapa iha terrítóriu Timor-Leste hela de’it 1.500 ektare no área luan liu mak iha Hera no Metinaru, maibé daudaun ne’e hetan ona estragu maka’as neduni tenke proteje.

Ai-parapa nia potensiá boot tamba la’ós atu tahan deit abrazaun maibé bele dezenvolve mos sai hahán iha futuru.

KFF halo peskiza husi 2.004 iha Timór laran tomak no  identifika ai-parapa nia área boot iha Dili kompara ho munisípiu sira seluk, maski iha munisípiu Likisá iha uitaan maibé hetan estragu barak, parte Bobonaru, Atabae, Suai-Loro, Vikeké-Watukarabau no Manatutu mós hetan ona estragu.

“Estragu sira ne’e akontese tanba ita-nia konxiénsia rasik sei menus liu, hafoin ita kelola área ai-parapa ne’e ba tambak entaun ida ne’e mak kauza estragu”, Alito dehan.

Nia salienta, iha Metinaru mós kontinua muda área ai-parapa nia ba tambak tanba ne’e, ba oin tenke proteje área ai-parapa atu labele halo tan tambak. “Sé sira tambak, sira tenke kuda se la’e sira halo de’it no la kuda ne’e mak problema”, Alito katak. (Jornalista : Maria Auxiliadora/Editor : Alberto Alves)

HUSIK IDA HATÁN