SLN Sei Sosa Makina Dulas Hare

0
73

DILI (ANTIL)- Sentru Lojístiku Nasionál (SLN), Ministériu Komérsiu Indústria no Ambiente (MKIA) iha trimestre dahuluk tinan ne’e sei hasai hare kulit pur volta tonelada 2000 atu halo prosesamentu dulas nian. Tamba ne’e, SLN hanoin ona atu sosa makida ida ba dulas hare nian ho kualidade.

“Ida ne’e sei hasai hotu no dulas ba intervensaun merkadu iha territóriu tomak tanba ita labele rai produtu ne’e kleur liu, ita tenke sirkula hela de’it tanba ita-nia kondisaun armzein ladún di’ak ne’ebé tenke haree didi’ak ba kestaun ida ne’e,” Administradór SLN, Nívio Magalhães ba ANTIL, Tersa (24/1/2017).

Hare sira ne’ebé SLN rezerva ne’e, sosa iha tinan 2015 no 2016 atu hasai hotu tanba SLN mós sosa ona mákina dulas hare nian no loke tenderizasaun iha empreza lokál balun maibé asegura nia kualidade.

“Mákina balun dulas ne’e, bele estraga filafali hare kulit  tanba sira setting ne’e ladún di’ak. Ne’e hanesan lisaun ida, ba oin SLN sei dulas didi’ak tanba hakarak fa’an ba públiku ne’e kualidade tenke di’ak tanba ne’e ita-nia populasaun mak han,” Nívio dehan.

Aleinde ne’e, sei ba merenda eskolár tanba estudante sira nu’udar futuru nasaun nia mak sei han nune’e foos tenke kualidade di’ak.

Jornalista: Maria Auxiliadora / Editor: Gantry Meilana 

HUSIK IDA HATÁN