PM : ME Presiza Halo Enkontru Regulár Ho Reitór Universitáriu

0
60

DILI, (ANTIL) – Primeiru Ministru (PM), Rui Maria de Araújo husu ba Ministériu Edukasaun (ME) hodi halo enkontru regulár ho reitór universitáriu públiku no privadu sira, kada fulan neen dala ida.

“Prespetiva governu nian presiza halo enkontru regulár ho reitór sira atu bele haree dezenvolvimentu ensinu superiór iha Timor-Leste nian la’o oinsá, dezafiu saida mak ensinu superiór sira enfrenta, tantu nivél públiku no privadu”, Xefe Governu informa ba jornalista sira iha ME Vilaverede, hafoin enkontru ho reitór sira hosi ensinu superiór, Kinta, (17/11).

Tuir PM, enkontru ne’e hanesan faze ínisiu maibé, governu rejista ona preokupasaun lubuk boot iha kestaun rua no sira seluk tan hanesan presiza forum ida atu reitór sira no ME iha forum regulár hanaran konferénsia reitór sira ba universidade TL ne’ebé proposta mai hosi reitór Universidade da Paz.

Entretantu, loron dahuluk hosi enkontru formál ne’e, aproveita mós loron 17 sai loron aniversáriu ba ensinu superiór públiku ida iha TL. (jornalista: Zezito Silva; editora: Rita Almeida)

HUSIK IDA HATÁN