PDHJ-CI Husu Jornalista Tau Matan ba CNE-STAE

0
27

DILI (ANTIL)—Provedor Direitus Úmanus Justisa (PDHJ) ho Konsellu Imprensa (CI) husu ba jornalista Timor-Leste atu ajuda tau matan ba implementador eleisaun Prezidensial ho Lejislativu 2017 liu-liu Sekretáriadu Teknika Administrasaun Eleitoral (STAE) ho Comisaun Nasionál Elisaun (CNE).

Provedor Direitus Úmanus Justisa Silvero Pinto hatete elisaun 2017 mídia nia papel inportante teb-tebes liu-liu atu transmite informasaun tanba ne’e jornalista sira tenki livre atu halo kobertura iha festa demokrasia tinan ida ne’e.

“Tenki halo kontrolu se la’e ita melecet (Falla),” Silvero Pinto afirma iha nia intervensaun iha Workshop Dezafiu Kobertura Elisaun, iha Luz Clarita, horseik.

Nia dehan agora dadaun ne’e Provedoria tau preokupasaun makas ba públiku nia asesu ba informasaun ho ida ne’e mak Provedor konkorda hanoin hosi Konsellu Imprensa nia atu jornalista proativu tau matan ba CNE ho STAE.

Iha fatin hanesan Komisariu CI, Hugo Fernandes haktuir katak, iha elisaun ne’ebé mak sei mai jornalista sira aleinde halo kobertura ba kampaña eleitoral hodi kandidatura Prezidenti sira, jornalista tenki tau matan mós orgaun eleitoral sira hanesan CNE ho STAE hodi garante servisu imparsial no independenti.

Tuir Hugo CNE ho STAE antes atu hakat ba priodu kampaña tenki halo mós treinamentu ba sira nia ofisial komunikasaun hodi garante informasaun ba jornalista sira bainhira presiza, liu-liu oinsa utilizasaun terminolojia elisaun nian.

Nia informa tan katak, iha tempu besik CI hamutuk ho asosiasaun jornalista sira sei elabora hamutuk kodigu konduta ida atu sai matadalan ba jornalista sira halo kobertura iha elisaun atu aprejenta ba governu antes elisaun.

“Ita presiza hatur dimensaun tolu iha kodigu konduta ne’e, dimensaun primeiru mak informa, fó espasu hanesan no halo kontrolu,” Hugo Fernandes  esplika.

Jornalista: Manuel Pinto / Editor: Gantry Meilana

 

 

HUSIK IDA HATÁN