MSS Sei Prosesa Apoiu Osan ba Martir Nia Oan

0
50

Dili, (ANTIL) – Ministériu Solidariedade Sosiál (MSS) tinan ida dala ida, fo apoiu osan ba oan hosi maluk sira ne’ebé mate iha funu laran (Martir) maibé iha 2017 seidauk fo sai avizu tanba prosesu sei la’o hela.

“Orsamentu promulga ona hosi Prezidente Repúblika, Taur Matan Ruak no publika ona iha Jornal Repúblika maibé ladauk iha ezekusaun tanba sei haree ba sistema no preparasaun ba admisaun,” Vise-Ministru Solidariedade Sosiál, Miguel Marques Manetelo ba ANTIL iha nia servisu fatin Caicoli, Kuarta (25/01/2017)

Prosesu normál, sempre anunsia iha média imprime no elektrónika atu martir sira nia oan bele ho dokumentu sira kompletu no justifika katak nia martir nia oan duni tanba se la’e ema balun falsifika dokumentu sira.

“Los duni katak sira tenke martir nia oan duni, ne’ebé hala’o estudu iha universidade no eskola sekundária maibé tenke ho prestasaun di’ak tanba avaliasaun haree ba aspeitu hotu-hotu,” Vise-MSS

Tinan ida ema barak aplika to’o ema 300 maibé liu hosi selesaun dalaruma ema nain 200 mak liu iha prosesu ne’e, tanba dalabalun la kompletu nia dokumentu sira. Maibé Apoiu ne’ebé sira hetan, balun atu finaliza ona estudu ho osan montante ás maibé foin mak tama estudu ho osan kiik ho US$ 300.00 tanba kriteriu foti liu hosi manuál ne’ebé iha.

Entretantu, IV Governu Konsitusionál, iha dekretu ida ne’ebé regulariza bolsu estudu ba oan hosi martir sira, ne’ebé aloka osan hosi MSS maibé iha VI governu haree katak sei la fo bolsu estudu ona maibé fo ajuda osan ba oan hosi martir ne’ebé sei kontinua eskola.

Jornalista: Zezito Silva / Editor: Gantry Meilana

HUSIK IDA HATÁN