MS Entrega Kareta Multi Funsaun Ba Sentru Saúde Lima

0
108

DILI, (ANTIL) – Ministériu Saúde (MS) liuhosi Vise Ministra Saúde, Ana Isabel Soares entrega kareta multi funsaun ba sentru saúde lima mak hanesan Lolotoe, Fatumea, Baguia, Laklubar no Fatuberliu.

“Ami bolu delegadu hosi sentru saúde munisípiu sira hodi entrega kareta multi funsaun ba sira, nune’e sira bele presta servisu ho di’ak hodi atende komunidade sira tanba, identifika sira nia kareta a’at loos ona”, Vise-Ministra Saúde, Ana Isabel Soares informa ba jornalista sira iha MS, Kuarta, (16/11).

Vise MS esplika, além ba sentru saúde lima, MS entrega uluk ona kareta multi funsaun rua ba sentru saúde Uatucarbau no Lakluta hodi sira bele atende pasiente sira ho lalais.

MS mos halo ona esforsu boot hodi sosa kareta multi funsaun 12 tau iha ministériu hodi kobre sentru saúde ne’ebé mak sira nia kareta a’at liu ona. Kareta multi-funsaun ne’e hanesan kareta foun no kilometrazen sei zero no sosa ho orsamentu jerál estadu 2015 nian ho montante maizumenus 40.000 mill resin ne’ebé mak hola iha Dubai.

Entretantu, MS identifika fatin balun atu entrega tan maibé sei haree lai tanba, bainhira sira nia kondisaun kareta sei di’ak hela la-presiza kareta foun, hadi’a de’it maibé ne’ebé mak a’at loos ona entaun ita bele responde. (jornalista: Zezito Silva; editora: Rita Almeida)

Fahe
artigu ne ' ebé tuir maiAniversariu PNTL

HUSIK IDA HATÁN