ME Sei Reforsa Mekanizmu Finansiamentu Ba Ensinu Superiór

0
57

DILI, (ANTIL) – Ministru Edukasaun, Antonio da Conceição  hatete, ministériu sei reforsa mekanizmu finansiamentu ba ensinu superiór sira, mezmu durante ne’e iha ona atensaun maibé sira rasik sente katak seidauk sufisiente.

“Enkontru ne’e atu ko’alia kona-ba mekanizmu finansiamentu ne’ebé sei kria atu reforsa ensinu superiór, nune’e presiza reforsa nafatin ensinu superiór privada hodi dezempeña papél ne’ebé importante tebes”, Ministru Estadu no Koordenadór ba asuntu Sosiál no Ministériu Edukasaun, Antonio da Conceição ba jornalista sira iha ME Vilaverde, Kinta, (17/11).

Tuir  nia, ensinu superiór privadu sira forma estudante besik 40 mill ne’ebé mak eskola hela kompara ho Universidade Nasionál Timor-Lorosa’e (UNTL) iha 11 to’o 12 mill estudante. Tanba ne’e, oinsá mak atu regula polítika ida atu haree finansiamentu ba universidade privada sira.

Entretantu, ME sei tenta hodi haree dekretu lei ne’ebé sei lori ba konsellu ministru hodi aprejenta maibé, molok submete sei ko’alia internu iha ministériu atu bele haree nomós sei estabelese kongresu regulár ho reitór sira atu haree mós polítika edukasaun nu’udar dalan ida atu haree situasaun edukasaun iha TL.

“Ministériu halo ona maibé, oportunidade ne’e atu reforsa tan mak ministériu edukasaun hanoin tiha ona hodi fortalese polítika ne’e ba xefe governu”, hatutan tan. (jornalista: Zezito Silva; editora: Rita Almeida)

HUSIK IDA HATÁN