KAT Bele Atende no Desidi Desputa Servisu

0
62

DÍLI (ANTIL) – Governu Timor-Leste ohin loron, liu hosi Konsellu Arbitrajen Trablalu (KAT)  bele ona halo atendementu, deskuti no desidi ba desputa servisu nian tuir lei traballu no 4/2002.

Maski de faktu KAT hari’i ona iha tinan 2012, maibe offisialmente nia funsaun foin mak legal hafoin nia estrutura hetan posse Kinta (26/01/2017) ohin iha Sala Knua Buka Hatene SEPFOPE, Caicoli, Dili.

Sai Prezidente KAT nian mak Geraldo Moniz. Ho tomada posse ida ne’e, Geraldo esklarese legalmente sira iha ona kompetensia hodi hala’o funsaun atu atende no deside disputa serbisu tuir lei trabalhu no 4/2012 haruka.

Dadauk ne’e, KAT rejista ona kazu kuaze 150 hosi tinan 2012. “Durante halo ami nia funsaun no k’nar, hasoru mós obstaklu no dezafiu ba servisu ne’ebé ami halo tamba sei falta termu legal balun hanesan estatutu ba arbitrajen trabalhu, rejime internu Konselhu Arbitrajen Trabalhu no memorandum entre ministerial liu-liu ministériu justisa atu iha kooperasan ne’ebé diak kona-ba disputa elaboral ne’ebé diside ona husi Konselhu Arbitrajen Trabalhu no pedidu ba Tribunal Distrital atu halo komu-lokasaun,” Geraldo afirma iha nia diskursu.

Nia dehan tan, durante ne’e Tribunal Distrital ladun fó importansia ba pedidu komolokasaun ne’ebé hato’o husi KAT atu bele azekuta komu-lokasaun ne’ebé Tribunal halo.

Kooperasaun Ne’ebé diak, bele responde pedidu komu-lokasaun iha tempu badak, tamba dezisaun ne’ebé KAT foti, la’os desizaun final, Tribunal Distrital mak iha kompetensia atu verifika no komuloka ba dezisaun ne’ebé KAT halo tuir lei traballu.

“Mesmu sei falta termu legal, lahamate ami nia vontade ba espíritu responsabilidade ba kompetensia ne’ebé hatu’ur ona iha ami nia kabaas, no ami sempre buka alternativu balun hodi responde ezijensia husi parte Trabalhadór no Empregadór,” Prezidente KAT dehan tan.

Finalidade, oinsa membru KAT fó solusaun no satisfasaun ba parte Traballadór no Empregadór sira nia disputa serbisu ne’ebé akontese iha serbisu fatin.

“Embora ami iha vontade no espíritu serbisu ne’ebé bot, ami mós iha frakeza hala’o funsaun nu’daar membru KAT, tamba sei menus konhesimentu no interpretasaun ba termus judisial desizaun ne’ebé KAT foti la’os deit utiliza lei traballu maibé utiliza mós kódiku prosesu cívil tuir lei trabalhu”, tenik Geraldo

Nune’e nia sujere atu membru KAT sira bele hetan formasaun no estudu komparativu iha lokal no internasional ba prosesu jurisiáriu iha Tribunal Arbitrajen no prosesu cívil.

“Ho formasaun no estudu komparativu,  bele suporta membru KAT  hala’o funsaun ho professional liu-tan iha tempu oin mai,” Geraldo dehan tan.

Jornalista: Julia Chatarina / Editor: Gantry Meilana

HUSIK IDA HATÁN