Ilidio Ximenes Hetan Posse ba Prezidenti KNT

0
164

DÍLI (ANTIL) – Sekretariu Estadu Polítika Formasaun Professional no Empregu (SEPFOPE), Ilidio Ximenes da Costa hetan posse ba kargu foun nudar Prezidenti Konsellu Nasional Traballu, Kinta (26/01/2017).

Seremonia ne’e hetan partisipasaun husi membru Governu balun hanesan Ministru Interinu Estadu Koordenador Asuntu Ekonómiku (MEKAE) Deonísio Babo, Sekretariada Estadu Polítika Formasaun Professional no Empregu (SEPFOPE) Ilídio Ximenes da Costa, Vice Ministru II Obras Públika, Komunikasaun no Telekomunikasaun (MOPTK) Januário Pereira, Sekretariadu Estadu Konselhu Ministru (SEKM) Avelino Coelho, Sekretariadu Estadu Asuntus Parlamentares (SEAP) Maria Terezinha Viegas, Parlamentu Nasional (PN), KSTL, CCI-TL, no ezekutivu husi ministériu balun.

Membrus Konselhu Nasional Trabalhu no Konselhu Arbitrajen Trabalhu ho Membru Governu ne'ebé partisipa iha Seremonia Tomada Posse. Foto: Media SEPFOPE
Membrus Konselhu Nasional Trabalhu no Konselhu Arbitrajen Trabalhu ho Membru Governu ne’ebé partisipa iha Seremonia Tomada Posse. Foto: Media SEPFOPE

Nomeasaun membrus ba Konselhu Nasional Trabalhu no Konselhu Arbitrajen Trabalhu iha ona artigu 3 dekretu Governu no 7/2016 25 Junhu kona-ba despaixu Ministru Estadu Koordenadór Asuntus Ekonómikus no nomeadus ba kompozisaun ida ne’e mak Ilídio Ximenes da Costa hanesan Prezidente Nasional Trabalhu, Angelo Dos Santos Verojo hanesan Vice Prezidente Nasional Trabalhu, Lofinho Lopez dos Reis hanesan membru Konselhu Nasional Trabalhu.

Nune’e mós, artigu 3 dekretu Governu 7/2016 15 Junhu kona-ba kompozisun Konselhu Nasional Trabalhu ho reprezentante asosiasaun emprezerais sira mak Dulce Maria Felomena de Jesus Alves, Alberto Carvalho de Araújo, no reprezentates sindikatus José Conceição da Costa, Agustino Pirez

Iha Ambito 2 artigu 100, nomeadus mebrus ba Konselhu Arbitrajen Trabalhu mak Geraldo Moniz hanesan reprezentante Governu nudar Prezidente, Almeiro Januário Vilanova Goveia hanesan reprezentante sindikatu nudar Vice Prezidente, Carminda Carlota hanesan reprezentante asosiasaun emprezerais sira nudar membru.

Jornalista: Julia Chatarina / Editor: Gantry Meilana

HUSIK IDA HATÁN